Freelancing Difficult Hoti Ja Rahi Hai
To janaab, din ba din freelancing difficult se difficult hoti ja rahi hai. Negative is more dangerous than managed aircraft, science and economic advance AI and agency, now it's clearly the era of AI.
Ab yeh cheez sun ke aap logon ka dil waise hi kharab hoga, lekin main aaj aapko btao ga ke kyun main aisa samajhta hoon ke freelancing difficult hoti ja rahi hai aur aapko ek different approach lene ki zaroorat hai taake aap long term freelancing mein survive kar sakein.
AI Ki Wajah Se Aane Wala Change
Yahan par jo sabse bada change aa raha hai na, wo AI ki wajah se hai. Agar Artificial Intelligence har field ke andar aake aise tools introduce kar degi jisse kaam bahut hi zyada aasan ho jayega aur AI agents ko use karke aap us specific kaam ko automate kar lenge, to obviously problems to create hongi.
Freelancers ke liye ek alag hi kism ki problems chal rahi hain. Wo kaise? Freelance platforms ke upar jaake let's suppose jobs ke upar apply karte hain, to ab aapko jaise main pehle apni strategies mein bataya karta tha ke aap agar Upwork ke upar job par apply kar rahe hain to aapko sahi tareeqe se samajh ke job ke upar apply karna hai aur apna jo aapne proposal likhna hai wo aapka unique hona chahiye.
Upwork Ki Soorat e Haal
Is time ke upar situation yeh chal rahi hai ke Upwork ke upar koi bhi job post hoti hai, uske upar kai logon ne jo hai na wo apply kiya hota hai. Bahut zyada proposals ki ratio jo hai wo increase ho chuki hai. Uski sabse badi reason yeh hai ke yeh log is time par automated bots ko use kar rahe hain Upwork par jobs apply karne ke liye.
Ab jab agar ek bot ko design karke rakh diya hai ke jaise hi job aaye, ek customized aapne proposal likhna hai, aur wo bhi job ki description ko dekhte hue ek proposal likhega aur fauran hi job ke upar apply kar dega. Agar let's suppose yeh situation aana shuru ho gayi hai, to bots ke aane ki wajah se proposals ki ratios bhi increase ho gayi hain. Client agar koi job post karta hai, uske paas sainkron job proposals aa jaate hain.
Wo select karne jaata hai to wahan par wo dekhta hai ke almost saare hi proposals similar nazar aa rahe hain.
To client ke liye in future problems hongi, kyunki jis bande se shayad usne service li ho, wo sirf AI ke tools ko hi jaanta hoga lekin uski jo basic knowledge hai, uski shayad itni information usko na ho.
Jiski wajah se client ko dobara se in freelance platforms ke upar aana padta hai aur jaake dhoondna padta hai aisa banda jo ki us skill ki base ko bhi jaanta ho achhe tareeqe se, samajhta ho aur saath mein AI ko bhi achhe se use kar sake.
Fiverr Ka Scene
Fiverr par ek alag hi scene chal raha hai. Wahan par gigs ki tadaad itni zyada ho chuki hai ke wahan par competition bahut badh chuka hai. Clients itne nahi reh gaye jitne freelancers aake baith gaye hain.
Koi bhi skill aap uthayenge, wahan par aapko lakhon ki tadaad mein gigs nazar aayengi, services list hui hui nazar aayengi. Bahut se aise log hain jinhone gig title, description, tags, even ke images bhi AI se generate karwa ke Fiverr ke upar list kar diye hain. Unko wo skill real mein utna aata hi nahi hai.
Jab is tareeqe se in platforms ko manipulate kiya jayega aur saath mein jo fake orders aur pata nahi kya kya kism ki jo blackhat techniques hain unko bhi use karke in platforms ki aisi taisi pher di gayi hai, to situation jo hai in sab platforms ke liye bhi kafi kharab hai.
Freelancers ke liye difficult hoti ja rahi hai kyunki competition increase hota ja raha hai aur unko yeh samajh nahi aa rahi ke is cheez ko tackle kaise karna hai.
Solution: Personal Branding
Obviously aap apna freelance platform to nahi bana sakte, lekin aap apna ek chhota sa aisa system bana sakte hain jahan par aap apni saari services ko showcase kar sakte hain aur khud ki branding kar sakte hain, jisko hum Personal Branding kehte hain.
Personal branding ek bahut hi zyada powerful cheez hai kyunki main freelance platforms ke upar maine bahut arsa kaam kiya hai. Main in saare freelance platforms ke upar top rated bhi raha hoon. Lekin main aapko ek cheez bilkul sachai se bata sakta hoon,
wo yeh hai ke in freelance platforms ke upar aap agar lambe arse tak rely karte hain, to yeh aapko kisi na kisi time ke upar, kabhi na kabhi koi dhoka zaroor denge. Ab wo galti in freelance platforms ki nahi hoti, iske upar jo log aa rahe hote hain wo freelance platforms ke rules ko manipulate karte hain, jiski wajah se freelancers ko bahut zyada problems face karni padti hain.
jiski wajah se main personal branding ki taraf move hua tha aur maine khud ka ek personal brand is tareeqe se create kiya jisse clients hasil karna bahut zyada aasan ho jata hai.
Agar personal brand aap banana chahte hain to yeh bahut hi simple hai, koi ismein rocket science nahi hai. Aapko lakhon rupay ke courses beche jayen ya aapko koi badi badi classes iske liye di jayen, kuch bhi iske liye aapko zaroorat nahi hai. Teen chaar cheezon hain jo ke aap apne zehan mein rakhenge aur aapka personal brand build ho jayega.
1. Social Media Presence aur Optimization
Pehli cheez yeh hai ke aapke jitne bhi social media platforms hain, in sabke upar aapke accounts hone chahiye aur in accounts ko kis tareeqe se optimize karna hai, aap simply ek YouTube ke upar video dekh lein, aapko pata chal jayega. In mein jo main platforms hain wo aapke Facebook, Instagram aur LinkedIn hain.
Yeh teen platforms hain jo ke bahut hi zyada powerful hain, inke upar aapki appearance honi chahiye. Aur ek aur platform hai jisko hum Twitter kehte the, ab X ban chuka hai, iske upar bhi aapki appearance honi chahiye.
2. Journey Share Karein Content Creation
Accounts create karne ke baad second kaam aapne yeh karna hai ke aapne in saare platforms ke upar apni journey share karni hai. Apni journey aap kaise share karenge? Let's suppose aapne pehle din se hi apne aap ko beginner bana lena hai aur aap usi din se hi apni jo bhi cheezon aap seekh rahe hain, jis skill pe aap kaam kar rahe hain,
jo projects aap kar rahe hain, usko post karna shuru kar dein English ke andar. Ab aaj kal English ka bhi koi problem nahi hai, aap easily ChatGPT se likhwa sakte hain. Koshish karein ke jab aap social media pe content post karein, apni journey post karein, usmein kuch videos bhi aap post karein, video content bhi banayein. Video content ki reach bhi zyada hoti hai aur aapka trust bhi build hota hai.
3. Website aur Portfolio Build Karein
Third aapne kaam yeh karna hai ke in social media platforms ko optimize karne ke saath saath aapne apni ek website bhi create karni hai. Abhi aap ek portfolio ya agency website create kar lein, bahut hi zyada simple hai. Aaj Hostinger Builder ke through aap log easily website create kar lete hain.
Main abhi aapko screen ke upar hi dikha doonga ke kaise Hostinger Builder ke through main just ek prompt doonga aur agency ya portfolio website ready ho jayegi. Kis tareeqe se drag and drop karke maine edit karna hai aur puri website sirf 10 minute ke andar andar hi maine ready kar leni hai. Isse zyada aasan tareeqa ho hi nahi sakta apni website create karne ka.
Main aapko ek link de raha hoon jisse aapko bada discount milega: hostinger.com. Yeh link hai, aapne isko yaad rakhna hai, description ke andar bhi maine de diya hai. Is link ko open karne ke baad aapne Business Plan purchase karna hai taake aap yeh Hostinger Builder use kar sakein.
Ismein aapko domain bhi free mein mil jati hai aur aapki website bhi easily chand clicks se ready ho jati hai aur aap isko live karke apna kaam start kar sakte hain.
Jab aap apni site ko ready kar lenge, portfolio share karenge aur phir aap jab clients ko reach out karne ke liye jayenge aur unhe apni site ke baare mein bhi batayenge, to wahan par trust bhi build hoga aur aapke social media platforms bhi saath mein bata rahe honge ke haan yeh banda expert hai.
Kyunki aapne wahan par apni ek audience build ki hai, un logon ke saath aapne connections build kiye hain jo aapki journey ko dekh ke aapke social media platforms ko unhone follow kiya hai.
4. Paid Advertisements Optional
Agla kaam aapne yeh karna hai ke aapne paid advertisement ke through clients ko hasil karne ki koshish karni hai. Ab obviously paid ads ke upar paise kharch honge, to paise aap log tab kharch kar sakte hain jab aapko initially kuch na kuch clients milein. Paid ads ke upar thodi bahut aap spending karke dekhein. $10 ek din ke andar kharch karke dekh lein, dekhein ke aapko kaise results milte hain.
Do teen din ke baad aap dobara se $10 ki spending karke dekhein. Waise to continuously agar aap one week ke liye ad run karte hain, to aapko ek clear aur achhe results nazar aana shuru ho jaate hain.
To jo aapne website create ki thi na, wo aapke liye kafi zyada helpful rahegi paid advertisement ke dauran. Kyunki aap apne Facebook Ad account ke saath apni website ko attach karenge, uske upar Pixel add karenge, aur aapka jo Pixel hai wo jitna zyada data hasil karta rahega, utni achhi aapko leads provide karta rahega.
Main is time ke upar jo clients find karta hoon wo LinkedIn ke through karta hoon. Ab main jab in clients ke saath meeting karta hoon aur main unhe batata hoon ke lakhon logon ko maine yeh skill sikhaye bhi hain obviously agar main wo cheez sikha raha hoon to uske andar khud bhi expertise meri hai na. To advertisement aap tab use ka sakte hain jab aapko lage ke aapne jaldi results lene hain.
5. Consistency Sabse Main Cheez
Lekin agar aap isko use nahi bhi karte, to aap fifth step ke upar aa jaate hain: aapne simply consistency se content post karte rehna hai. Aaj aapka dil nahi kar raha kaam karne ka, lekin content jaana chahiye. Aaj aapka dil nahi kar raha video banane ka, lekin video jaani chahiye. Yeh cheez aapko long term mein bahut zyada help karegi.
Aapki organic reach jitni zyada increase hogi, utni hi zyada aapko queries bhi aana shuru hongi. Bahut se loog aapse contact karenge apna kaam karwane ke liye. Main aise personally bahut se logon ko jaanta hoon jo sirf aur sirf Facebook ke upar apne mobile se banayi hui videos ko post karte hain, daily basis pe apne kaam ke results ko show karte hain aur wahan se wo bahut achhe clients hasil karte hain.
Conclusion
Personal branding ka benefit yeh hota hai ke agar freelance platforms ke upar jo is time pe halat chal rahe hain competition increase ho chuka hai aur uske alawa unke algorithms bhi kafi zyada change ho rahe hain aur loog use manipulate bhi kar rahe hain lekin aapke jo platforms hain jo aapne khud build kiye hain as a personal brand, yeh aapko kabhi bhi dhoka nahi denge.
Yeh aapka hamesha saath denge, long term aapko ek stability denge. Aap yahan se kafi zyada achhe clients hasil kar sakte hain. To personal branding is time ke upar bahut zyada important cheez hai. Agar aapne long term survive karna hai to isko aapne har surat use karna shuru kar dena hai.
